Бүгін «AMANAT» партиясы Жалағаш аудандық филиалының Атқарушы хатшысы Қаншагүл Мұстафаева аудандық партия филиалының «Агрохолдинг» бастауыш партия ұйымының мүшелерімен кездесіп, партия құрамына кірген бірқатар табиғат жаңашырларына партиялық билеттерді табыстады.

Партия филиалының Атқарушы хатшысы Қаншагүл Мұстафаева – партия жұмысын трансформациялау кезінде бастауыш ұйымдар жұмысын күшейту мақсатында трансферттерді пайдалану механизмі жеңілдеді. Бүгінгі күні партиялық шаралардың тиімді, сапалы болуына жол ашу мақсатында партиялық жарнапұлдың 20 пайызы бастауыш ұйымдарға қайтарылып отыр. Сонымен қатар, партияның қолдауымен «Ауыл аманаты» және «Жер аманаты» партиялық жобалары жұмыс жасап жатырғаның айтып, қоғамда белсенділік танытуға шақырды.