Ғасыр жасаған ананың елдікке деген құрметі бөлек. Бүгін №133 сайлау учаскесіне 90 жастағы тыл ардагері, ардақты ана Жүсіпова Разия әжеміз арнайы келіп, өз таңдауын жасады. Саналы ғұмырын еңбекпен өріп, елдің өсіп-өркендеуіне үлес қосқан Разия әже – көп балалы ана, «Алтын алқа» мен «Күміс алқа» иегері. Бүгінде өнегелі әулеттің алтын қазығына айналған аяулы ананың 26 немересі мен 38 шөбересі бар. Ақ жаулықты ананың сайлауға келуі – ел тағдырына бейжай қарамайтын азаматтық жауапкершіліктің, Отанға деген адалдықтың жарқын көрінісі. Ақылман ананың өнегелі жолы кейінгі ұрпаққа үлгі болып, ел бірлігі мен берекесінің мәңгілік құндылық екенін тағы бір мәрте айшықтай түсті.