Дзюдодан Әлем чемпионатының қола жүлдегері, жерлесіміз, аймақ мақтанышы Жеңісбек Жақсыбек те өз таңдауын жасады.

– Еліміздің болашағын айқындайтын сайлауға келіп, дауыс беріп, өз таңдауымды жасадым. Сайлауға дауыс беру, кемел келешегіміздің іргетасын нығайтатын саяси шараға қатысу спортшылардың да азаматтық борышы деп білемін. Сіздерді де сайлауға қатысып, өз таңдауларыңызды жасауға шақырамын, – дейді спорт саңлағы.

Айта кетейік, жалағаштық Жеңісбек Жақсыбек дзюдодан Қазақстан республикасының 5 дүркін чемпионы, жастар арасындағы азия чемпионы, Қазақстан республикасының спорт шебері, Еуропа кубогының 6 дүркін, Азия чемпионатының 3 дүркін чемпионы. Әлем чемпионатының қола жүлдегері атанды.