«AMANAT» партиясы Жалағаш аудандық филиалының ұйымдастыруымен партияның «Бақытты отбасы» партиялық жобасы аясында ашық аспан астында «Баланы мектепке даярлайық!» республикалық акциясы болып өтті.
Сөз алған партия филиалының Атқарушы хатшысы Қ.Мұстафаева шараның мақсаты аз қамтылған және көп балалы отбасылардың оқушыларына көмек көрсетуге және әлеуметтік себептер бойынша балалардың мектепке бармауының алдын алуға бағытталғаның және биылғы жылдың наурыз айынан бастап бастауыш партия ұйымдарының төрағаларына ай сайынғы партиялық жарналардың аударылған нақты сомасынан 20% есебінен беріліп отырғаның жеткізді. Шарада партия филиалының барлық бастауыш партия ұйымдары мектеп оқушыларына кеңсе құрал-жарақтары салынған мектеп сөмкесі берілді.