Биыл І жартыжылдықта ауданда инфрақұрылым бағытындағы жұмыстар қарқынды жүргізілуде. Бүгінде аудан халқы 100 пайыз орталықтандырылған ауыз сумен қамтылып отыр. Сонымен қатар Есет батыр елді мекенінде ауызсу жүйесін қайта жаңғырту жобасы қолға алынып, құрылыс-монтаж жұмыстары басталды. Жоба құны – 388 млн теңге, оның ішінде биылға 38 млн теңге қаралған. «Жалағаш ауданының оқшау сумен жабдықтау жүйелерін пайдаланушы» өндірістік бөлімшесінің басшысы Ғани Дюсекбаев салада 6 айда атқарылған жұмыс бойынша халықпен есепті кездесуінде осылай деді.

Ғани Дюсекбаев І жартыжылдықта «Жа­лағаш ауданының оқшау сумен жабдықтау жүйелерін пайдаланушы» өн­дірістік бөлімшесі халықты ауыз сумен қамтамасыз етуде нәтижелі жұ­мыс жасағанын айтады. Сондай-ақ орын алған апаттық жағдайларды қал­пы­­на келтіру, таратылған ауызсу көле­мінің қаржысын жинау жұмыстарын ат­қарған. Биыл мамандарды толықтыру жұмыстарының нәтижесінде 98 жұмыс­шы-қызметкерден 112 жұмысшы-қыз­мет­­керге өскен. Елді мекендердегі насос станса машинистері 3 адамға толығып жұмыс жасауда. Аудан бойынша ауыз­сумен қамтамасыз ету тәулік бойы үз­діксіз жүзеге асуда.

Айта кетейік, өндірістік бөлімше ба­засына тіркелген жалпы 91 бюджеттік мекеме мен 151 заңды тұлға су есептегіш құралымен ауызсу пайдалануда. Жеке тұлғалардан 6 844 абоненттен, ауызсу пайдаланушы 34 105 тұрғын тіркелген. Оның ішінде су есептегіш құралын 5 864 тұрғын үй орнатқан. Осы уақытқа де­йін су есептегіш құралынсыз және қо­­сымша нүктесі бар абоненттерге мың­­нан астам су есептегіш құралы ор­натылған. Су есептегіш құралынсыз ауызсу пайдаланушы тұрғындардың басым бөлігі аудан орталығында және Мәдениет, Аққұм елді мекендерінде орналасқан. Ғани Дюсекбаев ауызсуды пайдалануда ысырапшылдықта жол бермеу үшін бөлімше тарапынан су есептегіш құралын орнату, мерзімі жет­кен құралдарды ауыстыру бойынша тиісті жұмыстар жалғасатынын айтады.

Биыл 6 айда ауданда таратылған су көлемі және ауыз су қаржысын жинауда нәтижелі жұмыс бар. Тарқатып айтсақ, «Жалағаш ауданының оқшау сумен жабдықтау жүйелерін пайдаланушы» өн­дірістік бөлімшесі тарапынан биыл 435 813 текше метр су тұтынушыларға та­ратылған. Сол бойынша 35 288 296,89 теңге қаражат жиналды. Оның ішінде 14 264 406,84 теңгесі жеке тұрғын үйлердің үлесінде. Жыл ая­ғы­на дейін қаржы жи­нау жұмыстары жалғасады.

Жыл басынан бері бөлімшенің фи­лиалы тарапынан ұйымдастырылған рейд­тік іс-шаралардың нәтижесінде рә­­сімделген тексеру актілерінің 100 пайы­зы өндірілген. Су шығындарын бол­дырмау үшін су есптегіш құралын 100 па­йызға жеткізу қажет. Ғани Дюсек­баев сондықтан бұл бағытта тиісті жұ­мыстар жалғасатынын жеткізді.

Спикер субсидия қаржысын игеру жұмыстарында кейбір елді мекендерде адам санының айырмашылығы орын алғанын жасырмайды. Бірақ бүгінде ауыл әкімшілігі мен бөлімшенің есебі бір жүйеге келтірілген. Жоспарлы алдын ала жөндеу жұмыстарына келсек, жыл ба­сынан бері өз деңгейінде нақты мін­деттер атқарылған. Оның ішінде насос стансаларын сырлау, ақтау, ашып-жабу реттегіш арматураларын майлау жұмыстары да бар. Күрделі жөндеу жұ­мыстарына қажетті ашып-жабу ар­ма­туралары, вантуз және қайтарма кла­пандар қажетті сұраныспен алынып пайдалануда.
Ауданда биыл 6 айда 67 апаттық жағдай орын алған. Апаттық жағ­дай­­ларды дер кезінде қалпына келтіру бо­йынша тиісті жұмыстар атқа­­рылуда. Басым бөлігі ауызсу құбырының жа­ры­луы, құдық ішіндегі фа­сонды бө­ліктің шіруі және ауызсу мұна­расының шіруі болып табылады. Ауызсу мұна­расы бойынша Бұқарбай батыр елді мекенінің 50 текше метр және Жаңа­талап елді мекенінің 25 текше метр ауыз­­су мұнарасын ауыстыру қажет. Қа­­зіргі таңда екеуі де жұмыс жасап тұр­ған жоқ.
– Тұтынушыларға берілетін ауызсу­дың сапасын анықтау мақсатында аудандық СЭС мекемесімен келісім-шарт жасалып, ай сайын ауызсудың үлгісі алынып, су құрамы тексеріліп отырады. Сонымен қатар су құбыры және су сақтау қоймаларына көк­тем-күз мезгілдерінде жуу және за­лал­­сыз­дандыру жұмыстары СЭС ме­кеме­сі мамандарының қаты­суымен өз дең­ге­йінде жүргізілуде. Ауызсумен жаб­­дық­тау жүйесін эксплуатациялық қа­лыпты жағдайда ұстап тұру, жос­пардан тыс апаттық жағдайларды шұғыл қалпына келтіру және жоспарлы алдын ала жөн­деу жұмыстары уақытылы жүзеге асуда. Дизельді электр станса және авто­техника жайында аудан бойынша 17 ДЭС қондырғысы бар. Оның ішінде 3-еуі жұмыс жасамайды, яғни жөндеу жұмыстарын қажет етеді. Кезек күттір­мес қажеттілік туындап отырған мәсе­ленің бірі – трактор тиегіш пен автокран. Қазіргі таңда екі арнайы көлігіміздің сапасы сын көтермейді. Күнделікті жұ­мыс барысында әрбір көлік құра­лының жүрген жолы, атқаратын іс-шарасы, нысан атауы және т.б. мәліметтер жол қағазына толтырылып, нормаға сәй­кес есептеліп отырады және күнде­лікті дис­петчер арқылы орталық диспет­чер­лік бөлімге хабар берілуде, – деді ол.

Спикер саладағы бірқатар мәсе­ленің барын да жасырмады. Тарқатып айтсақ, Жалағаш кентінде орналасқан кеңсе ғимараты күрделі жөндеуді қажет етеді. Сондай-ақ «Орталық» насос стан­­сасының темірбетонды қор­шау­лары құлау алдында тұр. Мұнан бөлек ар­­найы техникалар да жаңалауды қа­жет етеді.

Ғани Дюсекбаев Бұқарбай батыр, Жаңаталап елді мекендерінің ауызсу мұнараларын жаңалау қажеттігін ай­тады. Өйткені бүгінде қос мұнара да істен шыққан. Ал Еңбек және Таң елді мекендердегі ауызсу мұнараларының да тозығы жеткен. Бірақ дәнкерлеу жұ­мы­с­тары жиі атқарылуда. Мұнан бөлек Мөрәлі Шәменов елді мекенінің ауыз су қоймасы пайдаланылмай отыр. өйт­кені ІІ су тарату насос стансасы мен ауызсу қоймасы арасындағы жерасты темір құбыры шіріп кеткен. Демек ПЭ құбырына толықтай ауыстыру қажет.

Спикер ауызсу қоймаларының үс­тіндегі көру құдықтарын толықтай ауыс­­тыру қажет деп есептейді. Өйткені жа­рамсыз күйге түсіп, қойма ішіне құ­лау алдында тұр. Сондай-ақ кент пен ауыл­­дық елді мекендердегі ауыз­су жү­йесі бойындағы ашып-жабу рет­тегіш ар­матураларын кезең-ке­зеңімен ауыс­тыру жұмыстарын атқару күн тәр­­ті­бінде тұрғанын айтады. Ал Мырзабай ахун, Д.Жалтынов, Жаңа­талап, Жаңа­қоныс және Жаңадариядағы насос стан­­салары жалғыз ұңғымамен жұмыс жа­сайды. Демек, қосымша ұңғыма қазу жұ­мыстарын жасау қажет.

Ғани Дюсекбаев халықты тәулік бойы сапалы ауызсумен қамтуда мұ­ның бәрі ерекше маңызға ие екенін жет­кізді. Сондықтан алдағы уақытта аталған мәселелерді кезең-кезеңімен шешуге жұмыс жасалатынын айтады. Тұрғындардың бірқатар сауалын жа­уап­­сыз қалдырмаған ол халықты суды пай­далануда ысырапшылдыққа жол бер­меуге шақырды.

Кенжетай ҚАЙРАҚБАЕВ