Ұлыстың ұлы күні Наурыз мерекесі Наурызнама тұжырымдамасына сәйкес жаңа форматта, кең көлемде атап өтілуде. Бүгін «Руханият» орталығында «Шаңырақ» күніне орай мерекелік шаралар легі жаңа өмірге қадам басқан жас жұбайлардың неке қию рәсімімен басталды. Сонымен бірге, сәбилі болған жас аналарға құрмет көрсетіліп, Ұлыстың ұлы күнінде «Наурыз базарлық» сый-сияпаты табысталды.

Сонымен қатар «Шаңырақ» күніне орай отау құрғандарына 50 жыл толған «Алтын той» иелері Темірхан Бимаханов пен Забира Мұсаханқызына құрмет көрсетілді. Одан әрі мерекелік шара концерттік бағдарламамен жалғасты.