Жалағаш аудандық «Жалағаш жаршысы» газетінің сайты

10°C

, Жұма, 29 наурыз, 11:12

Ұлттық домбыра күні аталып өтті

01.07.2022

809

0

Жалағаш ауданында Ұлттық домбыра күніне орай «Домбыра – дастан» атты мерекелік концерт өтті. Салтанатты шараға аудан тұрғындары мен қонақтары, ардагерлер және БАҚ өкілдері қатысты.

Шарада аудан әкімі Асқарбек Есжанов сөз сөйлеп «Ұлттық домбыра күні» мерекесімен құттықтады.

«Домбыра – қазақ халқы үшін жай ғана музыкалық аспап емес, ол күнделікті барлық тұрмыс-тіршілігімізден биік тұрған киелі құндылық. Қазақтың сал-серісі үкілі домбырасын қолға алып, елге шыққанда халық оларды төредей күтіп, төбесіне көтерген. Ата-бабаларымыз үкілі домбыраны қастерлеп төрге ілген. Бабаларымыздан қалған осы бір игі дәстүр қазір де жалғасып келеді. Қазақтың кез-келген отбасында киелі домбыра шаңыраққа сән беріп, төрінде ілулі тұр», – деді аудан басшысы.

Бірқатар сала қызметкерлері мәдениет саласының үздігі төсбелгісімен, аудан әкімінің «Алғыс хатымен»марапатталды.

Шара соңы Қ.Қазантаев атындағы аудандық Мәдениет үйінің көркемөнерпаздарының концерттік бағдарламасына ұласты.

Пікірлер жоқ. Бірінші болыңыз!

Пікір жазыңыз

Тағы да оқыңыз: