Бүгін АЭС-ті қолдау жөніндегі аумақтық Халықтық штаб өкілдері Шілдебаев Бейбітжан, Оспанова Сәлима, Абдреева Бақыт және Ахметжамиев Асхат Мырзабай ахун ауылында кездесу өткізіп, Мемлекет басшысының халыққа жолдауынан туындаған мақсат-міндеттерді баяндап, референдумның маңыздылығы жөнінде айтып өтті.

Халықтық штабтың мақсаты – ел арасында кең ауқымды түсіндіру жұмыстарын жүргізіп, қоғамда АЭС-ті қолдауға жұмылдыру. Халықты атом электр станциясын салу жөніндегі прогрессивті идеясының айналасында топтастыру, қоғамға АЭС салудың маңыздылығы мен артықшылықтарын жеткізу болып табылады.

Қазақстанда атом электр станцияларының құрылысы энергетикалық тәуелсіздікті нығайтуға көмектеседі және басқа мемлекеттерге саяси тәуелділікті арттырмайды. Бұл жобаның ел үшін стратегиялық маңызы бар, Қазақстанның тәуелсіздігін қолдайтын және өзінің энергетикалық ресурстарын дербес басқаруға мүмкіндік беретін сенімді және тұрақты энергиямен қамтамасыз ету. Сыртқы тәуекелдерді барынша азайту және жоба қауіпсіздігін қамтамасыз ету үшін сенімді халықаралық серіктестермен ынтымақтастықтың егжей-тегжейлі тетіктері, сондай-ақ озық технологияларды енгізу қарастырылған.

Келелі кездесуде штаб мүшелері Оспанова Сәлима және Шілдебаев Бейбітжан АЭС құрылысының маңызы мен қажеттін түсіндірді. Сонымен қатар АЭС құрылысы елдің экономикасы мен энергетикалық қуатын арттыратынын айтып өтті.

Атом электр станциясын салу туралы шешім барлық ықтимал тәуекелдерді ескере отырып және ел мүддесіне толық сәйкес келетін болады. Сонымен қатар, атом энергетикасын дамыту Қазақстанның энергетикалық тәуелсіздігін нығайтуға және экономикалық өсу үшін тұрақты энергиямен қамтамасыз етуге мүмкіндік береді. Бұл таза энергияға ғана – деді Асхат Ахметжамиев.

Жиын барысында ауыл тұрғындары референдум, АЭС бойынша толғандырған сауалдарын қойып, штаб мүшлері тарапынан жауап алды.