Қазақстан Ұлттық Банкі Басқармасының кезекті отырысында жаңа дизайндағы 1 000 теңгелік банкнота айналымға қашан шығарылатындығы белгілі болды, деп хабарлайды Egemen.kz. 

Бұл жайлы бүгін ҚР Ұлттық банкінің ресми сайтында мәлімденді.

«2025 жылғы 28 наурыздан бастап 2024 жылғы үлгідегі өзгертілген дизайны бар 1 000 теңгелік банкнотаны айналымға шығару туралы шешім қабылданды», делінген ақпаратта.

Сондай-ақ 2025 жылы екі жаңа коллекциялық монета – «GRIFFIN» («Көшпенділер аңызы мен мифтері» сериясынан) және «OTYRAR» («Қазақстанды монеталар арқылы зертте» сериясынан) монеталарын шығару әрі айналымға енгізу мәселесі бекітілді.