“AMANAT” партиясы Жалағаш аудандық филиалы жанындағы партиялық бақылау комиссиясы мемлекеттік органдармен бірлесе отырып, мәслихат депутаттарымен бірге аудан аумағындағы спорт нысандары мен аудан мектептерінің спорт залдарының жай-күйі бойынша мониторинг жұмыстарын жүргізді.

Шара барысында спорт нысандары мен спорт залдарының жағдайы, қолжетімділігі мен санитарлық талаптарға сәйкестігі қаралды. Бұл жұмыс тұрғындарға қолайлы жағдай жасап, салауатты өмір салтын дамытуға бағытталған.

Алдағы уақытта спорт нысандарына мониторинг жұмыстары тұрақты түрде жүргізіледі.