Мемлекет басшысы Қасым-Жомарт Тоқаев Батыс Қазақстан облысына жұмыс сапары барысында қарғын су басқан аумақтарды тікұшақпен аралап көрді, деп хабарлайды Zhalagash-zharshysy.kz Ақорда баспасөз қызметіне сілтеме жасап.
Дәлірек айтқанда, Президент Теректі, Сырым және Қаратөбе аудандарында қалыптасқан жағдайды бақылады.
![мп](https://egemen.kz/media/2024/04/04/abe52497-b40e-480d-bd2b-124928c6b3cc.jpg)
Облыс әкімі Нариман Төреғалиев Президентке 6 аудан мен Орал қаласын су басқанын баяндады.
![ш](https://egemen.kz/media/2024/04/04/8bfa4cc9-b81d-4971-ab1e-3d24b9611851.jpg)
Қарғын су 552 тұрғын үйге, 427 саяжай теліміне зиян келтірген. Өңір басшысының айтуынша, су тасқынына қарсы шараларға 1911 адам, 332 техника, 101 мотопомпа, 1 тікұшақ жұмылдырылған. Сонымен қатар құтқару жұмыстарына Алматы және Маңғыстау облыстарының құтқарушылары атсалысып жатыр. Қарғын су басқан аумақтардан 7 мыңға жуық тұрғын көшірілген, жедел-эвакуациялау пункттері құрылған. Зардап шеккендерге біржолғы материалдық көмек көрсету үшін жергілікті бюджет есебінен 63 миллион теңге қаржы бөлінді.
![ш](https://egemen.kz/media/2024/04/04/e0bb395b-cca2-45d0-b05c-4832d7976c6f.jpg)
Қазіргі уақытта су айдау, нысандардың жан-жағын топырақпен қоршау және су жүретін құбырларды кеңейту жұмыстары жүргізіліп жатыр.
![ш](https://egemen.kz/media/2024/04/04/08a5062e-e72e-41dc-aecc-3ef375281e78.jpg)
![щ](https://egemen.kz/media/2024/04/04/bbf36163-66f9-4a4f-b749-4cdc22adf2ca.jpg)
![ш](https://egemen.kz/media/2024/04/04/80e6b431-eddb-4150-bb99-cc0c4d1290a0.jpg)
![ш](https://egemen.kz/media/2024/04/04/bfcfdd41-f462-40c1-aa54-36028d55df33.jpg)
Пікірлер жоқ. Бірінші болыңыз!