Бүгін ҚР Президенті Қасым-Жомарт Тоқаевтың 2020 жылы 1 қыркүйектегі «Жаңа жағдайдағы Қазақстан: іс-қимыл кезеңі» атты Қазақстан халқына Жолдауында ауыл әкімдерін тікелей сайлауды енгізу қажеттілігі жөнінде бастамасына сәйкес Жалағаш ауданына қарасты Жаңаталап ауылдық округінің әкімін сайлау науқаны басталды.
Таңғы сағат 7:00-де сайлау №141 сайлау учаскесінде учаскелік сайлау комиссиялары мүшелерінің, БАҚ өкілдерінің, байқаушылардың және сенім білдірген адамдардың қатысуымен сайлау туралы заңның талаптарына сай, барлық процедураларды орындай отырып сайлау учаскесін ресми түрде ашылды.
![](https://zhalagash-zharshysy.kz/wp-content/uploads/2022/07/dsc4390-1024x683.jpg)
Таң атасымен өз таңдауымды жасаймын деген сайлаушылардың белсенділігі жоғары. Алғашқы болып Жаңаталап ауылының тұрғыны Қиынбаев Қанат өз таңдауын жасады.
– Бүгін ауылымыз үшін маңызды күн десем болады. Ауылымыздың тыныс-тіршілігі Аллаға шүкір, жақсы, ауыл азаматтарының жасап жатқан шаруаларының жайы көңіл көншітеді. Халқымызға бірлік, елімізге бибітшілік тілеймін, – деп, өтіп жатқан саяси науқанға сәттілік тіледі.
Айта кетейік, №141 сайлау учаскесінде дауыс беру кешкі сағат 20.00-де аяқталады.
Жандос Жазкен
Пікірлер жоқ. Бірінші болыңыз!