Жалағаш аудандық «Жалағаш жаршысы» газетінің сайты

28°C

, Дүйсенбі, 17 маусым, 02:37

Алдағы сайлауда әкімдерді кімдер ұсына алады

14.09.2023

456

0

Орталық сайлау комиссиясы 5 қарашада өтетін облыстық маңызы бар қалалар мен аудандардың әкімдерін сайлауда кандидаттарды ұсыну тәртібін жариялады, деп хабарлайды Zhalagash-zharshysy.kz сілтеме жасап Sputnik Қазақстан.

Комиссия мүшесі Константин Петровтың айтуынша, үміткерлерді саяси партиялар ұсына алады. Әрбір партияға бір сайлау округында бір ғана кандидатты ұсынуға рұқсат беріледі. Бұдан бөлек, жергілікті тұрғындар өзін-өзі ұсыну арқылы өз кандидатураларын шығара алады.

«Ол үшін дәл сол окруқта тұратын сайлаушылардың кем дегенде 1 процент қолын жинау керек. Ал кандидаттар болмай қалса, я болмаса, бір ғана үміткер тіркелген жағдайда әкім бір немесе екі адамды ұсына алады. Алайда бұған дейін ауыл әкімдерін сайлау кезінде ондай норманы еш жерде қолданған жоқ», – деді Петров комиссияның бүгінгі отырысында.

Айта кетері, бүгін Орталық сайлау комиссиясы 3 облыстық маңызы бар қала мен 42 аудан әкімін пилоттық режимде сайлауды ұйғарды. Сайлау 5 қарашаға белгіленіп отыр.

Кандаттарды ұсыну 16 қыркүйекте басталып, 5 қазанда аяқталады. Одан кейін барлығын тіркейді. Ал сайлау алдындағы үгіт-насихатқа 24 күн (10 қазан мен 4 қарашаның аралығы) беріледі. Ал сайлаудың қорытындысы бір аптаның ішінде 11 қазаннан кешіктірілмей жарияланады.

Айта кетері, президент Қасым-Жомарт Тоқаев былтыр 16 наурызда жасаған жолдауында 2023 жылдан бастап пилоттық режимде аудандар мен облыстық маңызы бар қалалар әкімдерін сайлауды тапсырған болатын.

Пікірлер жоқ. Бірінші болыңыз!

Пікір жазыңыз

Тағы да оқыңыз: