«AMANAT» партиясы Жалағаш аудандық филиалының Атқарушы хатшысы Қаншагүл Мұстафаева «Еңбек ауылдық округі» бастауыш партия ұйымында партия мүшесі Сағира Кәрібайқызын зейнет демалысына шығарып салу салатанатты шарасына қатысты.
Партияның «Ардагерлерді ардақтайық» жобасы аясында партия ардагеріне құрмет көрсетіліп, партия мүшесі ретінде атқарған еңбектеріне тоқтала келе, аудандық партия филиалының Атқарушы хатшысы Қаншагүл Мұстафаева арнайы партияның аудандық филиалы атынан «Алғыс» хаты мен жаңа үлгідегі партиялық билетін табыстады.
Құрмет төрінен көрінген партия ардагеріне алдағы кезеңдеріңізде де ел игілігі үшін жасайтын еңбегіңіз бен жас ұрпаққа берер тәліміңіз жалғасын таба беретініне сенім білдіріп, партия атынан сый-сияпат көрсетілді.