«Жердің көркі – тал, артыңда мал қалғанша тал қалсын» деген нақыл сөз бар. Сол талдың, жасыл-желектің мәнін түсіндіріп жату да артық шығар. Ел сол ағаштың, орманның саясынан пана тауып жатса, «жері жерұйық екен» дейміз. Әрине, ол жақсылық қоғамға байланысты. Табиғатын күтпесе, ел байлығынан айырылады. Ал халқы сол жасыл-желегіне, орман-тоғайына қамқор болса, ондай елдің көк көрпесі кеңейе түседі.

Өткен сенбіде Қазақстан халқы Ас­сам­блеясының 30 жылдығы мен Ұлы Жеңістің 80 жылдығына орай, сондай-ақ «Таза Қазақстан» республикалық эко­­­логиялық акциясы аясында аудан ор­талығында ағаш отырғызу ак­циясы өтті. Іс-шараға аудан әкімі Ардақ Иб­раимов, аудандық мәслихат де­пу­таттары, ең­бек ардагерлері, этнос өкіл­дері, ауыл шаруашылығы құрылым­дарының бас­шылары мен ерікті жастар қатысты.
Акцияда орталық алаң ау­­­ма­ғына 300 түп көшет егілді. Аудан әкімі бұл шара тек табиғатты көр­кейтуге бағытталған экологиялық бас­тама емес, бірлік пен ынтымақтың нақты кө­рінісі екенін атап өтті. Сонымен қа­тар аудан тұрғын­да­рын қоршаған ор­таны қорғауға және эко­­логиялық жауап­кершілікті арттыруға шақырды.
– Істің басы – ниет. Ниет болса, тақыр жерді де гүлдендіруге болады. Бүгінгі тағылымды шара, яғни тал егу жұ­мысы арқылы жас ұрпақтың та­би­ғат-анаға, күллі жаратылысқа деген ықы­­­­­­­ласын оятып, адам баласының та­­би­­ғатпен үйлесімді түрде дамитынын ұғындырудамыз. «Таза Қа­зақ­стан» рес­­публикалық эколо­гиялық бағ­­дар­­ла­­ма­сының өңірлік жос­­пары аясын­­да ау­данда ке­­шенді жұ­мыстар атқа­рылуда. Кентте, ауыл­дық елді ме­кен­­дерде көше­лер абат­тан­дырылып, ойын алаңдары мен скверлер салынуда. Жақында «Руханият» орталығы, спорт кешені, тұрғын үй­лер құ­­рылысы аяқ­талып, ел игі­лі­гіне берілді. Таң және өзге де ауыл­дарда кө­­шелер абат­­танды­рылып, жа­­рық жүр­гізілді. «Таза Қазақс­тан» – жай ғана сенбілік емес, қор­шаған ор­таны қорғауға бағыт­талған жүйелі әрі ма­ңызды қадам. Қоршаған ортаны таза ұстау – әр азаматтың борышы, ал ата-аналардың осы бағытта белсенді үлгі көрсетуі жас ұрпақтың туған жеріне деген сүйіспеншілігі мен жауапкершілігін қалыптастыруға ықпал етеді. Әрине, «Таза Қазақстан» акциясы өз жалғасын табады. Әрбір тұрғын қоршаған ор­таны қорғауға өз үлесін қосып, туған өл­кеміздің экологиялық ахуалын жақсар­туға атсалысады, – деді аудан басшысы.
Іс-шара со­ңында аудан әкімі егілген көшеттерге күтім жа­сау, аяқсудың үздіксіз бері­луін қам­тамасыз етуді тиісті сала бас­шыларына тапсырды.
Айта кетейік, «Таза Қазақстан» акция­сына 3,8 млн-ға жуық адам қа­тыс­қан. 1,5 млн тонна­дан астам қоқыс жиналып, 3,2 млн-дан астам көшет егілген. Сондай-ақ «Бүкіл қазақстандық ағаш егу күні» акциясы аясында еліміз бойынша соңғы үш күнде 4,5 миллионға жуық көшет егіліп, орман алқабымызды толтырды.
Былтырдан бастап кентте көркейту-көгалдандыру және са­ни­тарлық тазалық жұмыстарын жүргізу үшін кент әкімі аппараты жанынан «Жа­лағаш қызмет» КММ құрылған. Аталған мекеме арқылы арықтар қа­зы­лып, қа­жетті жерлерге жаңадан құ­бырлар орна­тылды. Қураған ағаш тал­дар мен бұ­тақтар кесілді, өңір қоқыстан ары­луда. Қоқыстар көліктерге тие­ліп, ар­найы орынға тасымалдануда. Был­тыр 8470,5 тонна қатты тұрмыстық қал­дық шығарылған.
Жалпы кенттегі 71 көшеде 1205 жол белгісі орнатылған. Жол белгілерін күтіп ұстау, тозғанын жаңалау, бағаналарын сырлау жұмыстары да күн тәртібінен түскен емес. Ал жол жүрісін реттеу үшін 4 көше қиылысына бағдаршам қойылды. Со­ны­мен қатар аймақ басшысының тап­сыр­масына сәйкес 18 жерге бейне­бақылау камерасы, 7 жылдамдық өл­­­­­ше­гіш құ­рыл­ғысы орнатылған.
Тағы бір жақсы жаңалығымыз бар, ал­дағы уа­қытта кенттегі орталық алаң жөнделеді. Бүгінде қайта жаңғырту жоба­сының жоба-сметалық құжаттары әзір­ле­ніп, сараптамадан өтті. Облыс­тық энерге­тика және тұр­ғын үй-коммуналдық ша­руашылық бас­қармасына бюджеттік өтінім жолданған.

Ж.АРЫН