Бүгін «AMANAT» партиясы Жалағаш аудандық филиалы, «Дарын» бастауыш партия ұйымының бірлесіп ұйымдасуымен партияның «Ұлттық мұра» жобасы аясында «Этно ауыл» жазғы демалыс алаңы тақырыбында іс-шарасы өз жалғасын тапты.

Бүгінгі шарада қыз балаларға жүннен жасалатын бұйымдардың жасалуларын үйрету, ши орау және тоқу, тоқыма тоқу, шілтер тоқу, қолғап тоқу, жүн түту, ұршық иірудің тәсілдері үйретілді.
Балаңды өз тәрбиеңмен емес, өз ұлтыңның тәрбиесімен тәрбиеле – деген даналардан қалған сөз бар. Сондықтан да сан ғасырлар бойы сұрыпталған ұлттық құндылықтарымызды тұнып тұрған рухани байлығымызбен өскелең ұрпақты сусындата аламыз. Бүгінгі шарада қыз балаларға көптеген ұлттық құндылықтарымыздың тәсілдері үйретілді – деді Қаншагүл Мұстафаева.