Жалағаш аудандық «Жалағаш жаршысы» газетінің сайты

-10°C

, Жексенбі, 25 ақпан, 03:09

Құқық бұзушылықтың алдын алу өзекті

17.11.2023

44

0

Аудан әкімі Ардақ Ибраимовтың төрағалығымен өтетін аудан әкімдігі жанындағы құқық бұзушылық профилактикасы жөніндегі ведомствоаралық комиссия отырысы өтті. Басқосуда Жалағаш ауда­нының полиция бөлімімен 2023 жылдың 10 айында құқық бұзушылық пен қылмыстылық жағдайы және оның алдын алу шаралары туралы мәселе қаралды.

Күн тәртібінде қаралған мәселеге бай­ланысты бірқатар тапсырма берілді. Аудандық полиция бөлі­міне құқық бұзушылықтар мен қылмыс­тар­дың алдын алуға бағытталған про­фи­лак­тикалық шараларды күшейтіп, өсім алып отырған қылмыстарға аса көңіл бө­ліп, оларды саралау арқылы нақты әрі заңға сәйкес шешімдер қабылдауды тапсырды.Сонымен қатар кафелер мен мей­рамханалар орналасқан жерлерде жер­гілікті атқарушы органдар мен үкіметтік емес ұйым мүшелерімен бірлескен рейд­ ұйымдастыру, өндірістегі қылмыстық істер­мен жан-жақты, толық және объек­тивті тергеп-тексеру жүргізілуіне үнемі ве­домстволық бақылау жүргізу қажеттігін жеткізді.
Кент, ауылдық округ әкімдері дүкендер мен сауда орындарында және кәсіпкерлік мақсаттағы барлық объектіде бейнебақылау камераларын, темір есіктер мен темірторлы терезелер салынуын, тұр­ғындар арасында түсіндірме жұмыстарын жүргізу тапсырылды.
Аудандық полиция бөлімі, аудандық мәдениет және спорт бөлімі, кент және ауылдық округ әкім­дерімен бірлесіп, пробация қызме­тіндегі тұлғалардың қоғамға бейімделуіне, заң талаптарын сақтауға, еңбекке және өзге де қоғамға пайдалы қызметпен айна­лысуға, білім деңгейі мен мәдени деңгейін арттыруға бағытталған шараларды қа­был­дау жүктелді. Ал аудандық жұмыспен қамту және әлеуметтік бағдарламалар бөлімі, ау­дандық полиция бөлімі, аудан­дық пробация қызметі, кент және ауылдық округ әкімдерімен бірлесіп, шартты түрде бас бостандығынан айырылған азаматтар тізіміндегі қайта қылмыс жасауға бейім сотталғандарды анықтап, оларды еңбекке баулу мен тұрмыстық орналасу және әлеуметтік көмек түрлерімен қамтамасыз етуді тиімді түрде жүзеге асыру қажеттігін айтты. Комиссия отырысында берілген тапсырмалардың орын­далуын бақылау және үйлестіру бұдан былай аудан әкімінің орынбасары Арнұр Нұрмаған­бетовке жүктелді.

Пікірлер жоқ. Бірінші болыңыз!

Пікір жазыңыз

Тағы да оқыңыз: