Облыс әкімі Нұрлыбек Нәлібаев ҚР Президентін кезектен тыс сайлауда өз таңдауын жасады. Өңір басшысы облыс орталығындағы Әли Мүсілімұлы атындағы №101 мектеп-лицейінде орналасқан #263 сайлау учаскесіне келіп дауыс берді.
Аталмыш сайлау учаскесі таңғы жетіден бастап өз жұмысын бастаған. Онда барлығы 2883 сайлаушы тіркелген. Олардың 40 пайызға жуығы сағат 11:00-ге дейін өз таңдауын жасап үлгерді.
![](https://syrboyi.kz/wp-content/uploads/2022/11/img-20221120-wa0052.jpg)
- Бүгін еліміз үшін ерекше күн. Мемлекетіміздің жарқын болашағын айқындайтын бұл күнде әрбір азаматтың дауысы маңызды. Жерлестеріміз ел келешегі үшін бірлік танытып, өз таңдауын жасайтынына сенімдімін,- деді Н.Нәлібаев.
Бұл сайлау учаскесінде келушілерге арналып барлық жағдай жасалған. Дауыс берушілерге мерекелік көңіл-күй сыйлау үшін патриотиық әндер қойылып, халыққа әдемі әсер сыйлауда. Ал алғашқы болып дауыс бергендерге естелік сыйлықтар да берілді.
![](https://syrboyi.kz/wp-content/uploads/2022/11/img-20221120-wa0051-1024x682.jpg)
Айта кетейік, аймақта 373 сайлау учаскесі және 482934 сайлаушы бар.
Пікірлер жоқ. Бірінші болыңыз!