Жалағаш аудандық «Жалағаш жаршысы» газетінің сайты

27°C

, Дүйсенбі, 27 мамыр, 12:19

Абай облысында өрттен зардап шеккен отбасылардың балаларына университеттен 10 грант бөлінеді

12.06.2023

254

0

Абай облысында өрттен зардап шеккен отбасылардың балаларына Өскемендегі университеттен 10 грант бөлінеді, деп хабарлайды ҚазАқпарат тілшісі.

Алапат өрттің салдарынан зардап шеккен Абай облысының тұрғындарына еліміздің түкпір-түкпіріндегі жұрт жан-жақтан көмек көрсетуде. Оның ішінде Шығыс Қазақстан халқы да көрші өңірге керек-жарақтарды жіберіп, қаржылай қолдау білдіруде. Осы ретте, Өскемендегі С.Аманжолов атындағы ШҚУ-да қалыс қалмады.

ЖОО қызыл жалын кесірінен қиын жағдайға тап болған жанұяларға материалдық көмек көрсетпек. Университеттің еңбек ұжымы өрт салдарынан қаза тапқан орман шаруашылығының 14 қызметкеріне және азық-түліксіз, құжатсыз, қаражатсыз қалған жүздеген адамға бір күндік жалақыларын аударады.

«Көрші Абай облысындағы өрт – елімізге түскен ауыр салмақ. Жалпыұлттық аза. Мұндайда әр азамат шетте қалмауы тиіс деп есептейміз. Ғылыми кеңес зардап шеккен отбасылардың балаларына 10 грант беру туралы шешім қабылдады. Университет ұжымы марқұмдардың жақындары мен туыстарына қайғыра көңіл айтады», – дейді университет ректоры Мұхтар Төлеген.

Айта кетейік, бүгін Семей орманындағы алапат өрттен қаза болғандарды аза тұту күні.

Пікірлер жоқ. Бірінші болыңыз!

Пікір жазыңыз

Тағы да оқыңыз: