Түркі халықтарына ортақ ұлы ойшыл, жырау, қобызшы Қорқыт атаның мұрасы – баға жетпес рухани қазына.
Ерекше сәулетімен алыстан менмұндалап тұратын баба кесенесі рухани дүниенің есігі іспетті. Қобыздың үні сарнаған Қорқыт ата кесенесі адамзатқа күйбең тірліктің шеңберінен шығуды, әрбір сәттің құнды екенін бағалай білуді еске салып тұрғандай.
«AMANAT» партиясы Жалағаш аудандық филиалының «Таң ауылдық округі» бастауыш партия ұйымының ұйымдастыруымен Қорқыт мұраларын насихаттау мақсатында дөңгелек үстел өткізілді. Дөңгелек үстелге орта буынды ауыл ағалары мен аналар және жастар қатысты.