Шалғайдағы Аламесекте де сайлаушылар белсенді. Ауылдағы ағайын таң атысымен мәдениет үйінде орналасқан сайлау учаскесіне келіп дауыс беруде. Бұл ауылда қарт сайлаушылар да саяси науқанда белсенділік танытуда. Олардың қатарында алтынқұрсақты ана, ақжаулықты әжеміз, 95 жастағы тыл ардагері Рахима Абызбаева да бар.

– Бүгінгі сайлау бәрінен маңызды. Сондықтан өз таңдауымды жасадым. Өйткені бүгінгі саяси науқанның мемлекет болашағында маңызы жоғары. Сондықтан барлығымыз белсенді болуымыз керек, – дейді алтынқұрсақты әжеміз.