2025 жылғы 1 шілдеде Қазақстан Республикасында дербес кассациялық соттар өз қызметін бастады. Биыл осы маңызды құқықтық реформаның жүзеге асқанына бір жыл толып отыр.
Кассациялық соттарды құрудың негізгі мақсаты – азаматтар мен заңды тұлғалардың құқықтары мен заңды мүдделерін қорғау тетіктерін жетілдіру, сот төрелігінің сапасын арттыру және заңдарды қолданудың біркелкілігін қамтамасыз ету болды.
Бір жыл ішінде кассациялық соттар сот тәжірибесінің тұрақтылығын қалыптастыруға, заң үстемдігін нығайтуға және әділ сотқа қол жеткізу мүмкіндігін кеңейтуге елеулі үлес қосты. Кассациялық саты сот актілерінің заңдылығы мен негізділігін тексеру арқылы сот төрелігінің сапасын арттыруға ықпал етіп келеді.
Жүргізілген реформаның нәтижесінде азаматтардың кассациялық тәртіппен сотқа жүгіну мүмкіндігі кеңейіп, істерді қараудың тиімділігі мен ашықтығы артты. Бұл өз кезегінде қоғамның сот жүйесіне деген сенімін нығайтуға оң әсерін тигізуде.
Кассациялық соттардың бір жылдық қызметі сот жүйесін жаңғырту бағытындағы реформалардың өзектілігі мен тиімділігін көрсетті. Алдағы уақытта да кассациялық соттар заң үстемдігін қамтамасыз ету, азаматтардың құқықтары мен бостандықтарын қорғау және біркелкі сот практикасын қалыптастыру бағытындағы қызметін жалғастыра береді.
Кассациялық соттардың құрылғанына бір жыл толуы – құқық үстемдігін нығайтуға және әділ сот төрелігін қамтамасыз етуге бағытталған сот реформасының маңызды нәтижелерінің бірі.

Жалағаш аудандық сотының әкімші басшысының орынбасары Р.Аккасинов