Жалағаш аудандық «Жалағаш жаршысы» газетінің сайты

0°C

, Сейсенбі, 07 ақпан, 15:54

Ұстаздар ардагерлермен кездесті

07.12.2022

109

0

Ә.Молдағұлова атындағы №173 орта мектептің 60 жылдық мерейтойына арналған кезекті шарамыздың бірі ардагер ұстаздармен кездесу өткізілді. 

Кездесу шарасы ардагерлерді салтанатты түрде күтіп алумен басталды. Мектеп мерейтойына орай батыр қыз Әлия Молдағұловаға арналған кабинеттегі құнды жәдігерлермен бастауыш сынып мұғалімі, Әлия мұрасын зерттеуші Тұрсынкүл Саматова таныстырды. Сонымен қатар заман талабына сай жабдықталған ұл балаларға, қыз балаларға арналған оқу кабинеттерінде оқушылардың өз қолдарымен жасалған қолөнер бұйымдарын тамашалады. Мектеп кітапханашысы Ләззат Омарованың «Оқуға құштар мектеп» жобасы жұмысының нәтижесін көріп, оқушыларға ардагер ұстаздар батасын берді.  

Мектеп жаңалықтарына шолу жасап болғаннан кейін, акт залда ардагер ұстаздарға арналған «Ардагерлермен жарқын жүздесу» атты кездесу  сазды әуенмен басталды. 

Мектеп директоры Гүлмира Расилқызы Қоңырбаева ардагерлерді мектеп мерейтойымен құттықтап, ыстық лебізін жеткізді. Ардагер ұстаздардың өткен өмірінің естеліктерінен жинақталған бейнебаянды тамашалап, жаратылыстану, математика, информатика пәні мұғалімдері ұйымдастырған  көңілді ойын, сұрақ-жауап, ән-шашуларына ризашылықтарын білдірді. Ардагер ұстаздар ұжымға рахметтерін айта отырып, мерейтойымен құттықтап, өз естеліктерімен бөлісті. 

Шара соңында ардагерлерге ақ дастарқан жайылып, құрмет көрсетілді. Мектеп ұжымына, ұйымдастырушыларға ақ батасын берді.

318595051_823744312290597_2093597183479365227_n.jpg
WhatsApp Image 2022-12-07 at 10.21.44.jpeg
Пікірлер жоқ. Бірінші болыңыз!

Пікір жазыңыз

Тағы да оқыңыз: