Қазақстанда 1-сынып оқушыларына ақпан айында қосымша қысқы демалыс беріледі, деп хабарлайды оқу-ағарту министрлігі.

Мектептерде III тоқсан 8 қаңтарда басталған болатын. Үшінші тоқсан 10 оқу аптасынан тұрады.

«1-сыныпта білім алатындарға 2024 жылғы 5-11 ақпан аралығында (күнтізбелік 7 күн) қосымша демалыс беріледі», – делінген хабарламада.

Айта кетері, бүлдіршіндерге үшінші тоқсанда бір апта қосымша демалыс жыл сайын беріледі. Осылайша 2023-2024 оқу жылында бірінші сынып оқушылары 33 апта, 2-11 (12) сыныптар 34 апта оқиды.